Renata, a miña nefróloga

Todo o mundo sabe o que é un cardiólogo (médico do corazón) ou un pediatra (médico dos nenos), pero poucas persoas, mesmo os adultos, saben realmente o que é un nefrólogo (médico do ril). Mesmo cando o escribimos en Google, o corrector cámbianos a palabra por neurólogo (médico do sistema nervioso). Neste libro, da man de Renata, unha simpática nefróloga, e coas preguntas da curiosa Martiña adentrarémonos no mundo de dous órganos con forma de faba que son fundamentais para a nosa vida: os riles. Coñeceremos que son, onde están, para que serven, que pasa cando deixan de funcionar, que síntomas producen e, o que é máis importante, como saber cando están enfermos e que debemos facer para evitarmos que empeoren ou enfermen.